Eitem Rhaglen

12.1  12C266P/FR – Penrhyn Safnas, Biwmares

12.2  12C266Q/FR – ABC Power Marine, Penrhyn Safnas, Biwmares

12.3  14LPA1010/CC – Cefn Trefor, Trefor

12.4  17C476A – 13 Glyn Garth Court, Glyn Garth

12.5  19C690C – 14 Cae Braenar, Caergybi

12.6  19C1156 – 74 Queens Park, Caergybi

12.7  32C193 – 7 Tre Ifan, Caergeiliog

12.8  34LPA1009/CC – Saith Aelwyd, Rhosmeirch

12.1  12C266P/FR – Cais llawn i godi is-orsaf newydd ym Mhenrhyn Safnas, Biwmares

Cyflwynwyd y cais i’r Pwyllgor Cynllunio a Gorchmynion gan mai’r Cyngor yw perchennog y tir.

Cynigiodd y Cynghorydd R. O. Jones y dylid caniatáu’r cais ac fe eiliwyd ei gynnig gan y Cynghorydd Vaughan Hughes.

PENDERFYNWYD caniatáu’r cais yn unol ag argymhelliad y Swyddog gyda’r amodau a restrwyd yn yr adroddiad ysgrifenedig.

12.2   12C266Q/FR – Cais llawn i altro’r fynedfa bresennol, ynghyd ag adeiladu maes parcio newydd yn ABC Power Marine, Biwmares

Cyflwynwyd y cais i’r Pwyllgor Cynllunio a Gorchmynion gan mai’r Cyngor yw perchennog y tir.

Cynigiodd y Cynghorydd Vaughan Hughes y dylid caniatáu’r cais ac fe eiliwyd ei gynnig gan y Cynghorydd K. P. Hughes.

PENDERFYNWYD caniatáu’r cais yn unol ag argymhelliad y Swyddog gyda’r amodau a restrwyd yn yr adroddiad ysgrifenedig.

12.3   14LPA1010/CC – Cais amlinellol i godi annedd gyda’r holl faterion wedi eu cadw yn ôl ar dir yn Cefn Trefor, Trefor

Cyflwynwyd y cais i’r Pwyllgor Cynllunio a Gorchmynion gan yr Awdurdod Lleol a’r Cyngor sydd biau’r tir.

Dywedodd y Rheolwr Datblygu Cynllunio fod gwybodaeth ychwanegol wedi dod i law gan yr ymgeisydd a chynigiodd y dylid gohirio’r cais tan y cyfarfod nesaf.

PENDERFYNWYD gohirio’r cais tan y cyfarfod nesaf o’r Pwyllgor Cynllunio a Gorchmynion.

12.4   17C476A – Cais llawn i ail-leoli ffenestri yn 13 Glyn Garth Court, Porthaethwy

Cyflwynwyd y cais i’r Pwyllgor Cynllunio a Gorchmynion ar gais aelod lleol.

Dywedodd yr Is-gadeirydd ei bod yn gwrthwynebu’r cais oherwydd llythyr o wrthwynebiad a dderbyniwyd mewn perthynas â’r cais hwn a nododd y byddai’n pleidleisio yn ei erbyn.

Cynigiodd y Cynghorydd Jeff Evans y dylid caniatáu’r cais ac fe eiliwyd ei gynnig gan y Cynghorydd K. P. Hughes.

PENDERFYNWYD caniatáu’r cais yn unol ag argymhelliad y Swyddog gyda’r amodau a restrwyd yn yr adroddiad ysgrifenedig.

12.5   19C690C – Cais llawn i wneud gwaith altro ac ehangu yn 14 Cae Braenar, Caergybi

Cyflwynwyd y cais i’r Pwyllgor Cynllunio a Gorchmynion ar gais aelod lleol.

Dywedodd y Rheolwr Datblygu Cynllunio bod yr aelod lleol wedi gofyn am ymweliad safle oherwydd materion yn ymwneud ag edrych drosodd, colli preifatrwydd a lefelau amrywiol y tir ar y stad.

Cynigiodd y Cynghorydd R.O. Jones y dylid ymweld â safle’r cais yn unol â chais yr aelod lleol. Eiliwyd ei gynnig gan y Cynghorydd Lewis Davies.

PENDERFYNWYD ymweld â’r safle’n unol â chais yr aelod lleol.

12.6   19C1156 – Cais llawn i ymestyn y cwrtil ynghyd â gwaith altro ac ehangu yn 74 Queen’s Park, Caergybi

Cyflwynwyd y cais i’r Pwyllgor Cynllunio a Gorchmynion gan mai’r Cyngor yw perchennog y tir.

Cynigiodd y Cynghorydd K. P. Hughes y dylid cefnogi’r cais ac fe eiliwyd y cynnig gan y Cynghorydd Jeff Evans.

PENDERFYNWYD caniatáu’r cais yn unol ag argymhelliad y Swyddog gyda’r amodau a restrwyd yn yr adroddiad ysgrifenedig.

12.7   32C193 – Cais llawn i ymestyn cwrtil 7 Stad Tref Ifan, Caergeiliog

Cyflwynwyd y cais i’r Pwyllgor Cynllunio a Gorchmynion gan mai’r Cyngor yw perchennog y tir.

Rhoes y Cadeirydd wahoddiad i Ms. Catrin Williams sy’n cefnogi’r cais, i annerch y cyfarfod.  Roedd Ms. Williams yn dymuno rhoddi sicrwydd y byddai llecynnau parcio ar gyfer 2 gar ar gael wedi ymestyn y cwrtil yn 7 Tre Ifan, Caergeiliog.

Cynigiodd y Cynghorydd R.O. Jones y dylid cefnogi’r cais ac fe eiliwyd y cynnig gan y Cynghorydd Nicola Roberts.

PENDERFYNWYD caniatáu’r cais yn unol ag argymhelliad y Swyddog gyda’r amodau a restrwyd yn yr adroddiad ysgrifenedig.

12.8   34LPA1009/CC – Cais amlinellol i godi annedd gyda’r holl faterion wedi eu cadw yn ôl ar dir ger Saith Aelwyd, Rhosmeirch

Cyflwynwyd y cais i’r Pwyllgor Cynllunio a Gorchmynion gan mai’r Cyngor yw perchennog y tir.

Roedd Aelodau’r Pwyllgor yn pryderu am orddatblygiad pentref Rhosmeirch ac am faint y tai sydd wedi cael eu hadeiladu yn yr ardal. Roedd yr Aelodau o’r farn bod angen ffin ddatblygu ar gyfer Rhosmeirch.  Ym marn y Cynghorydd Nicola Roberts, roedd y cais hwn yn ymwthio mewn modd annerbyniol i ardal wledig Rhosmeirch a chynigiodd y dylid gohirio’r cais fel y gellir cynnal trafodaethau pellach gyda’r ymgeisydd mewn perthynas â’r datblygiad hwn. Eiliwyd ei chynnig gan y Cynghorydd Lewis Davies. 

PENDERFYNWYD gohirio ystyried y cais fel y gellir cynnal trafodaethau pellach gyda’r ymgeisydd.