Eitem Rhaglen

12.1  11C500A – Nwyddau Diogelwch Mona, Stryd Wesley, Amlwch

12.2  19C1170 – 4 Llain Bryniau, Caergybi

12.3  19LPA875B/CC – Parc y Morglawdd, Caergybi

12.4  20C312 – Ysgol Gynradd, Cemaes

12.5  42C61N – Ty’r Ardd, Pentraeth

EITEM HWYR – GYDA CHANIATÂD Y CADEIRYDD

12.6  34LPA1015B/CC – Hyfforddiant Môn, Stad Ddiwydiannol, Llangefni

12.1  11C500A – Cais llawn i newid defnydd yr adeilad i 6 fflat ynghyd ag addasu a dymchwel rhan o’r adeilad yn Mona Safety Products, Stryd Wesley, Amlwch

Cyflwynwyd y cais i'r Pwyllgor Cynllunio a Gorchmynion ar gais yr Aelod Lleol.

Gwnaeth y Cynghorydd R. O. Jones gais i ymweld â’r safle. Eiliodd y Cynghorydd Lewis Davies y cynnig. Y rhesymau a roddwyd am ymweld â’r safle oedd oherwydd pryderon trigolion lleol ynghylch materion parcio a phriffyrdd ynghyd â’r effaith ar fwynderau eiddo cyfagos.

PENDERFYNWYD ymweld â’r safle am y rhesymau a roddwyd.

12.2  19C1170 – Cais llawn i addasu ac ehangu yn 4 Llain Bryniau, Caergybi.

Cyflwynwyd y cais i'r Pwyllgor Cynllunio a Gorchmynion gan fod sylfeini’r estyniad yn ffinio â thir sydd ym mherchnogaeth y Cyngor.

Cynigiodd y Cynghorydd R.O. Jones bod y cais yn cael ei ganiatáu ac eiliodd y Cynghorydd Vaughan Hughes y cynnig.

Penderfynwyd caniatáu’r cais yn unol ag argymhelliad y Swyddog gyda’r amodau a restrir yn yr adroddiad ysgrifenedig.

12.3  19LPA875B/CC – Cais llawn i newid defnydd rhan o’r tir yn faes i garafanau teithiol (28 o safleoedd), codi bloc cawodydd/toiledau ynghyd â ffurfio ffordd fynediad newydd ym Mharc Gwledig y Morglawdd, Caergybi

Cyflwynwyd y cais i'r Pwyllgor Cynllunio a Gorchmynion gan fod y cais yn cael ei wneud gan y Cyngor ar dir y Cyngor.

Ar ôl datgan diddordeb yn y cais hwn, gadawodd y Cynghorydd Raymond Jones y cyfarfod yn ystod y drafodaeth a’r bleidlais.

Gwnaeth y Cynghorydd R. Ll. Jones, Aelod Lleol, gais i ymweld â’r safle. Y rhesymau a roddwyd am ymweld â’r safle oedd oherwydd materion priffyrdd.

Cynigiodd y Cynghorydd K. P. Hughes y dylid ymweld â’r safle ac eiliodd y Cynghorydd John Griffith ei gynnig.

PENDERFYNWYD ymweld â’r safle am y rhesymau a roddwyd.

12.4  20C312 – Gosod caban symudol i’w ddefnyddio fel meithrinfa ar dir Ysgol Gynradd Cemaes, Cemaes

Mae'r cais yn cael ei gyflwyno i'r Pwyllgor Cynllunio a Gorchmynion gan fod safle'r cais ar dir sy'n eiddo i'r Cyngor.

Ar ôl datgan diddordeb yn y cais hwn, gadawodd y Cynghorydd W. T. Hughes y cyfarfod yn ystod y drafodaeth a’r pleidleisio.

Cynigiodd y Cynghorydd John Griffith bod y cais yn cael ei ganiatáu ac eiliodd y Cynghorydd Lewis Davies y cynnig.

Penderfynwyd caniatáu’r cais yn unol ag argymhelliad y Swyddog gyda’r amodau a restrir yn yr adroddiad ysgrifenedig.

12.5  42C61N – Cais llawn ar gyfer codi annedd a modurdy yn Tŷ’r Ardd, Pentraeth

Cyflwynwyd y cais i'r Pwyllgor Cynllunio a Gorchmynion lle bu penderfyniad i’w wrthod oherwydd bod ôl-troed yr annedd yn rhy fawr. Cafodd y cais ei gymeradwyo trwy apêl. Mae’r cais yn awr am annedd sydd yn fwy na’r maint a ddangoswyd yn yr apêl.

Rhoddodd y Cadeirydd wahoddiad i Mr Rhys Davies annerch y cyfarfod fel un oedd yn cefnogi’r cais ac fe wnaeth y pwyntiau a ganlyn:-

•  Cyflwynwyd cais amlinellol yn flaenorol ar gyfer y safle. Roedd Swyddogion Cynllunio a’r gymuned leol wedi mynegi pryderon ynglŷn â maint yr annedd. Ar y pryd gwrthodwyd y cais ond cafodd ei gymeradwyo ar apêl;

•  Mae’r ymgeisydd yn awr wedi cyflwyno cais llawn am annedd llawer llai ar y safle;

•  Mae’r annedd a gynigir yn cydymffurfio â dyluniad eiddo eraill yn y cyffiniau.

Cynigiodd y Cynghorydd Jeff Evans bod y cais yn cael ei ganiatáu ac eiliodd y Cynghorydd K. P. Hughes y cynnig.

Cynigiodd y Cynghorydd Lewis Davies bod y cais yn cael ei wrthod ac eiliodd y Cynghorydd Ann Griffith y cynnig i wrthod.

Ar ôl pleidlais ddilynol Penderfynwyd caniatáu’r cais yn unol ag argymhelliad y Swyddog gyda’r amodau a restrir yn yr adroddiad ysgrifenedig.

CAIS HWYR – RHODDODD Y CADEIRYDD EI GANIATÂD I DRAFOD Y CAIS FEL MATER BRYS

12.6  34LPA1015B/CC – Cais llawn i godi 5 o unedau busnes hyblyg ynghyd â chyfleusterau parcio a iard wasanaeth gysylltiedig, tirlunio, pwynt i wefru cerbydau trydan, panelau solar a 2 storfa ar gyfer biniau/ailgylchu a lle i gadw beics ar safle’r hen Hyfforddiant Môn, Stad Ddiwydiannol, Llangefni

Mae'r cais yn cael ei gyflwyno i'r Pwyllgor Cynllunio a Gorchmynion gan mai’r Cyngor yw perchennog y tir.

Derbyniodd y Cadeirydd yr eitem fel eitem hwyr ar yr Agenda fel mater o frys. Y rheswm am y brys oedd gallu sicrhau cyllid grant ar gyfer y cynnig oddi mewn i amserlen y sawl sy’n ariannu’r datblygiad, ac felly ni allai adael i’r mater fynd i’r cyfarfod nesaf i’w ystyried.

Cynigiodd y Cynghorydd K. P. Hughes bod y cais yn cael ei ganiatáu ac eiliodd y Cynghorydd Vaughan Hughes y cynnig.

Penderfynwyd caniatáu’r cais yn unol ag argymhelliad y Swyddog gyda’r amodau a restrir yn yr adroddiad ysgrifenedig.